Indien die vorm hierbo nie werk nie, stuur asb. ‘n e-pos aan info@atterburytheatre.co.za met jou intekeningbesonderhede.

Goeiedag Atterbury Nuusbrief Vriende,

As jy nog nie hierdie jaar by ons teater was nie wag hier ‘n heerlike verrassing. Die teater is na agt besige jare weer splinternuutgetooi met nuwe matte, nuwe stoele, ‘n vergrote foyer, nuut geverf en reg vir die volgende agt jaar.

In Maart is daar baie uitstekende vertonings om na uit te sien en ons is weer so bevoorreg om die wêreldberoemde Royal Moscow ballet weer hier te kan aanbied.

2 Maart 2019 20h00 – Guitar Legends by Nathan Smith

Op 2 Maart, by die Atterbury Teater, bring die kitaar legende Nathan Smith hulde aan: Eric Clapton; Dire Straits; Jimi Hendrix; John Mayer, Gary Moore en vele meer. Wees verseker van ‘n uiters genotvolle aand met die beste liedjies van hierdie ongelooflike kunstenaars: die wêreld se beste singende kitaarspelers.

4 & 7 Maart 2019 19h00 – Crown of the Royal Moscow Ballet

BESPREEK ASB OP ITICKETS!

Die Royal Moscow ballet bestaan uit 3 dele nl. 1) Romeo en Juliet, ‘n ballet op die musiek van Tchaikovsky, gebaseer op die toneelstuk oor die familie twis tussen die Montagues en Capulets en die tragiese liefdesdrama van die jong Romeo en Juliet, deur William Shakespeare, een van sy gewildste werke  wat deur die eeue menige komponis geinspireer het.

2) Die derde beweging van Tchaikovsky se Sesde Simfonie, ook bemoem as die Pathetique Symphony, wat beteken passievol of emosioneel. 3) Carmina Burana, ‘n aanskoulike ballet op die musiek van Carl Heinrich Maria Orff nl. sy Cantata: Carmina Burana wat op 24 gedigte gebaseer. Die opening, O Fortuna, is ook bekend as die musiek van die Old Spice advertensie asook as die temalied van X Factor.

Dit word uitgevoer deur die beroemde dansers van die Royal Moscow Ballet, met die choreografie deur Anatoly Ameliov, die hoofdanser van die Bolshoi Theatre, wat gehore in Suid Afrika en oor die hele wêreld al vir baie jare bekoor.

8 Maart 2019 20h00 – Guitar Wizards

Guitar Wizards begin hulle roemryke toer deur Suid Afrika met Marcin Patrzalek. Hierdie “Wunderkind” op akoestiese kitaar gaan gehore verstom met sy meesterlike vingerstyl van die kitaar.

Saam met die vurige spoed en virtuosiseit van die wêreldkampioene CH2 is hierdie  ‘n uitmuntende vertonings wat jy nie wil misloop nie!!!!

10 Maart 2019 17h00 – Kevin Leo en Jannie Moolman: Duet

Jannie Moolman en Kevin Leo gaan op n sentimentele reis oor dekades en deel met die gehoor al hul groot gunstelinge wat die hart raak.

13 & 14 Maart 2019 20h00 – My Vrou se Man se Mannetjie

Lefra Produksies doen dit weer – vanjaar se splinternuwe klug is … wag vir dit … My Vrou se Man se Mannetjie en ons kuier by die Atterburyteater in Pretoria met Cobus Venter, Edrien Erasmus, Paul Lückhoff, Johan Joubert, Marissa Claasen en Rowlen von Gericke.

Frans Swart, regisseur sê dat dit elke jaar nogal ‘n uitdaging is om op die vorige jaar se klug te verbeter. “Ek dink egter vanjaar se My Vrou se Man se Mannetjie is skreeusnaaks en ook splinternuut. Dit het ‘n lekker storielyn en ek glo dat heelwat paartjies hulself met die situasies sal kan vereenselwig. So kan jy ook in die proses vir jouself lag. Ek sê dit elke jaar, maar sê dit maar weer – elke Lefra-klug is splinternuut en nie ‘n opvolg op enige van die vorige klugte nie.  Elke klug is totaal uniek en nuut.”

Vir meer inligting, besoek www.lefra.com of www.mannetjie.co.za.

18 & 19 Maart 2019 20h00 – OPTOG! Laurika Rauch

Alle Suid-Afrikaners ken die heimweë wat met Laurika Rauch se musiek gepaard gaan en daarom sit sy héél voor in ons bus!

Vir Laurika is dit ‘n soort tuiskoms om betrokke te wees by OPTOG! Sy sê dat dit haar as’t ware ‘vol sirkel’ bring om weer meer op die platteland en soms in kleiner plekke op te tree. Só was dit heel aan die begin van haar loopbaan en sy sien daarna uit om die pad te vat en te help om ‘n kultuur te skep wat musiek weer na die mense sal bring.

Haar loopbaan het in 1978 vlerke gekry met die treffer, Kinders van die Wind. Liedjies soos “Blouberg se Strand”, “Stille Waters” en “Stuur groete aan Mannetjies Roux”,maak steeds deel uit van alle Afrikaanse huisgesinne se speellys.

20 Maart 2019 20h00 – Sinatra and Me

Die musiek van die legend Frank Sinatra word in 2019 na die verhoog  gebring deur die skouspelagtige Big Band internasionale vertoning  “Sinatra and Me” en die akteur en sanger, Richard Shelton wat reeds met vele toekennings bekroon is en beskryf word as een van die wêreld se beste vertolkers van Sinatra. Die vertoning kom direk van die West End en Los Angeles. Hy sal hier begelei word deur die Adam Howard 17 stuk Johannesburg Big Band.

Shelton sê die vertoning fokus op die wonderlike musiek en treffers van Sinatra soos, ‘I’ve Got You Under My Skin’, ‘Fly Me to the Moon’, ‘It Was a Very Good Year’ and ‘One For My Baby,’ ‘My Foolish Heart’ en vele meer. Hy is bekroon met die “Best Actor in a Leading Role” vir sy spel as Frank Sinatra in Rat Pack Confidential.

Op 20 Maart kry Suid Afrikaanse gehore die geleentheid  om van die betowerende momente in Sinatra se loopbaan te beleef en om die werêld se grootste Sinatra vertolker te geniet , ‘n onvergeetlike aand van stories, musiek en sang. Bespreek by iTickets.

21 & 22 Maart 2019 11h00 – Wielie Wielie Walie IS TERUG!!!

Karel Kraai en Sarel Seemonster trek asem in en roep: “Bennie! Bennie Boekwurm!” Die kinders van die land roep net so hard saam. Bennie Boekwurm kruip verstrooid uit sy boektonnel. “Haai, waar’s julle? Ek kan julle nie sien nie, wag, ek gaan gou my bril haal.”  “Nee, Bennie!” Lag Sarel Seemonster, “jou bril sit op jou voorkop.”

Karel Kraai, Sarel Seemonster en Bennie Boekwurm is baie bly dat die eensame Kwaggatjie, Wagga Wagga Kwag by hulle kom woon het. Daar word gesing, gedans, geleer en grappies gemaak. Bennie Boekwurm vertel splinternuwe stories!

Nog ‘n vars skepping uit die pen van Louise Smit, opgevoer deur Dúlinda Pieters en haar EnterActive Produksies!!!

Wielie Wielie Walie op ’n nuwe Balie.

Bespreek by: Yolandie on 082572 2408 or yolandie@enteractive.co.za

25 Maart 2019 20h00 – Majozi

Suid Afrika se befaamde musikant, Majozi bied op 25 Maart sy nuwe produksie by die Atterbury Teater aan. Hy is veral bekend vir sy radio treffers soos “Fire”, “Darling”,”Waiting”, “Somebody” en vele meer wat hom diep in die hart van sy aanhangers laat inkruip het.

Sy opregte, sielvolle nommers beeld ‘n opbouende perspektief uit van sy geloof en die wêreld waarin ons woon deur kitaar,klavier en perkussie. Sy debuut album is in 2018 vrygestel met temas oor superhelde, geloof, onsekerhei en wondbaarheid. Die nuuste album is uiters kreatief met “Pop Soul”.

Saam met Majozi tree Aston Wylie op wat pas sy nuwe liedjie “Broken and Beautiful” na “Howling” vrygestel het.

30 Maart 20:00 Nataniël Funny Valentine

Hierdie vertoning is ongelukkig reeds uitverkoop!

Onthou asb. dat besprekings vir al ons vertonings op iTickets gedoen kan word of nog steeds by ons kantoor tel: 012 942 5951 wat nou die Atterbury iTickets Boxoffice is.

Groete,

Paulette

Indien die vorm hierbo nie werk nie, stuur asb. ‘n e-pos aan info@atterburytheatre.co.za met jou intekeningbesonderhede.

[/av_three_fourth]